Այսօր ԱԺ պետաիրավական հարցերի հանձնաժողովի նիստում քննարկվեցին «Հայաստանի Հանրապետության քաղաքացու անձնագրի մասին» օրենքում եւ «Նույնականացման քարտերի մասին» օրենքում փոփոխություններ կատարելու մասին նախագծերը:
2021 թվականից պետք է ամբողջությամբ անցում կատարվեր նույնականացման քարտերի՝ կենսաչափական անձնագրերի, ըստ գործող օրենքի: Սակայն հիմա առաջարկվում է մեկ տարի էլ հետաձգել: Քաղաքացիները կարող են սովորական հին անձնագրերի տրամադրման համար պետտուրքը վճարել ու ստանալ, ժամանակահատվածը եւս մեկ տարի երկարաձգվում է:
Փոխոստիկանապետ Արա Ֆիդանյանից հետաքրքրվեցին՝ գոնե 2022-ին հնարավոր կլինի՞ կարգավորումները ուժի մեջ մտցնել, որովհետեւ այս գործընթացն անընդհատ հետաձգվում է: Նա պատասխանեց, որ արդեն հանձնաժողով ստեղծվել է, բոլոր տեխնիկական լուծումները կան, պարզապես համավարակի եւ պատերազմական ստեղծված իրավիճակը հաշվի առնելով՝ ստիպված էին աշխատանքները հետաձգել:
Նախագիծը դրական եզրակացություն ստացավ:
Կարդացեք նաև
Հռիփսիմե ՋԵԲԵՋՅԱՆ
