Երեւանի օլիմպիական հերթափոխի պետական մարզական քոլեջում շարունակվում է ծանրամարտի Հայաստանի տղամարդկանց առաջնությունը:
Արդեն հայտնի են վեց քաշային կարգերի հաղթողներն ու մրցանակակիրները: 55 կգ քաշային կարգում երկամարտի 222 կգ արդյունքով չեմպիոն դարձել է Գառնիկ Չոլակյանը, 61 կգ-ում՝ Անդրանիկ Պապեյանը (240 կգ), 67 կգ-ում՝ Մոնթե Մխիթարյանը (289 կգ), 73 կգ-ում՝ Նշան Անտոնյանը (289 կգ), 81 կգ-ում՝ Կարեն Մարգարյանը (330 կգ):
Այսօր 89 կգ քաշային կարգի հանրապետության չեմպիոնի կոչման համար համառ պայքար ծավալվեց Անդրանիկ Կարապետյանի եւ Կարեն Ավագյանի միջեւ, որում հաջողությունն ուղեկցեց փորձառու Կարապետյանին: Նա պատվո պատվանդանի առաջին աստիճան բարձրացավ երկամարտի 367 (167+200) կգ արդյունքով, իսկ Ավագյանը բավարարվեց արծաթե մեդալով 358 (165+193) կգ: Երրորդ տեղը երկամարտի 342 (152+190) կգ-ով զբաղեցրեց Ռաֆիկ Հարությունյանը:
Կարդացեք նաև
Աշոտ ՀԱԿՈԲՅԱՆ
