Այս եղանակով կարելի է պատրաստել ինչպես բանջարեղենը, հավը, այնպես էլ՝ ձուկը, ծովամթերքը, անգամ՝ մրգերը:
Տեմպուրան իրենից ներկայացնում է թույլ խմորի մեջ թաթախված մթերք՝ տապակված առատ ձեթի մեջ: Խմորը կարելի է պատրաստել տարբեր ձեւերով, ինչպես ձվով, կաթով, այնպես էլ, եթե վեգանների համար եք պատրաստում՝ միայն հանքային ջրով կամ գարեջրով:
Անհրաժեշտ մթերքները
Բանջարեղեն ձեր ճաշակով՝ թարմ պղպեղ, գազար, բրոկոլի, սունկ, դդմիկ, սմբուկ, սոխ
Կարդացեք նաև
Հավի կրծքամիս՝ համեմված աղով, պղպեղով, սխտորով կամ սխտորի փոշիով
Բուսական յուղ-1 բաժակ
Կլյարի՝ թույլ խմորի համար
Ալյուր-կես բաժակ
Աղ-1 ճաշի գդալ
Կաթ-3-4 ճաշի գդալ
Ձու-1-2 հատ
Գարեջուր կամ հանքային ջուր- 2-3 ճաշի գդալ
Համեմունքներ- ըստ ձեր ճաշակի
Պատրաստման եղանակը
Բանջարեղենները մաքրել, լավ լվանալ, չորացնել, կտրատել: Խմորի համար նախատեսված չոր մթերքները՝ ալյուրը, աղը, համեմունքները խառնեք իրար: Ավելացրեք հեղուկ մթերքները: Կարող եք ավելացնել ինչպես ձուն, կաթը եւ գարեջուրը կամ հանքային ջուրը, այնպես էլ դրանցից որեւէ մեկը կամ երկուսը: Աշխատեք ստանալ թույլ, նրբաբլիթների համար նախատեսված խմորի պես խմոր:
Բուսական յուղը տաքացրեք: Ձեթը պետք է լավ տաք լինի, սակայն կրակը՝ միջին: Բանջարեղենները թաթախեք խմորի մեջ, եւ փոքր չափաբաժիններով լցրեք ձեթի մեջ:
Մեկ-երկու րոպեն լրիվ բավական է, որպեսզի բանջարեղենները եփվեն: Բոլոր բանջարեղենները եփելուց հետո նույն եղանակով տապակեք նաեւ հավի կտորները: Տապակվելուց հետո բանջարեղենը եւ հավը դրեք թղթե սրբիչների վրա՝ ավելորդ ձեթից ազատվելու համար:
Կարող եք մատուցել ձեր նախընտրած թանձրուկով՝ թայլանդական քաղցրաթթու թանձրուկով, սոյայի թանձրուկով կամ որեւէ այլ տեսակի թանձրուկով:
Պատրաստման մանրամասները՝ տեսանյութում.
Բարի ախորժակ:
Պատրաստեց Մելանյա ԲԱՐՍԵՂՅԱՆԸ
