«Ողբերգությունը տեղի է ունեցել դիսկոտեկում՝ կենցաղային հողի վրա»,- Sputnik Արմենիա մուլտիմեդիոն մամուլի ակումբում տեսակամրջի ընթացքում հայտարարեց ՌԴ Պետական դումայի ԱՊՀ գործերի և հայրենակիցների հետ կապերի հանձնաժողովի անդամ, Սփյուռքի և ինտեգրման ինստիտուտի (ԱՊՀ երկրների ինստիտուտի) տնօրեն, Արտաքին քաղաքականության և պաշտպանության խորհրդի անդամ, Ռուսաստանի Դաշնության Հանրային խորհրդի անդամ Կոնստանտին Զատուլինը` խոսելով երեկ ՌԴ Կրասնոդարի երկրամասի Բելորեչենսկի շրջանում տեղի ունեցած ծեծկռտուքի մասին:
Նա նշեց, որ երեկ այցելել է Կրասնոդար, տեղեկացել ողբերգության մասին: Նա վստահեցրեց՝ դա ազգամիջյան կոնֆլիկտի բնույթ չի կրում ու հայտարարեց. «Դա չի կրում արտահայտված հայ-ադրբեջանական կոնֆլիկտի բնույթ՝ ազգային հիմքով: Ցավոք, տուժածներից հայը՝ Սարուխանով ազգանվամբ մահացել է: Այսօր նրան հուղարկավորեցին: Երկրորդ տուժածը ռուս տղա է, որը հիմա հիվանդանոցում է: Նրան ցուցաբերվում է անհրաժեշտ օգնություն»:
Կոնստանտին Զատուլինն ասաց, որ տեղեկություններ ունի այն մասին, որ ծեծկռտուքին մասնակցել են մի կողմից երկու ադրբեջանցի եւ ռուս, մյուս կողմից՝ հայ եւ ռուս: Նա վստահեցրեց. «Սա Լեռնային Ղարաբաղում պայքարի շարունակության ինչ-որ դրվագ չէ»:
Կոնստանտին Զատուլինը հայտարարեց ազգությամբ հայի սպանության և ռուս տղայի վիրավորման մեջ մեղավորը ադրբեջանցի է՝ Հասանով ազգանունով, որի նկատմամբ հիմա դաշնային հետախուզում է հայտարարվել:
Կարդացեք նաև
Կոնստանտին Զատուլինը հուսով է՝ մեղավորը կպատժվի: Նա հորդորեց տարբեր ուժերի չօգտվել իրավիճակից և այս միջադեպը չներկայացնել որպես ազգամիջյան հակամարտություն:
Տաթև ՀԱՐՈՒԹՅՈՒՆՅԱՆ
