Քիչ առաջ Երևան քաղաքի ընդհանուր իրավասության դատարանը, նախագահությամբ դատավոր Աննա Դանիբեկյանի որոշեց ՀՀ երկրորդ նախագահ Ռոբերտ Քոչարյանի նկատմամբ ՀՀ քրեական օրենսգրքի 300․1 հոդվածի առաջին մասով քրեական հետապնդումը դադարեցնել՝ հանցագործության դեպքի բացակայության հիմքով:
Աննա Դանիբեկյանը հրապարակեց ՀՀ երկրորդ նախագահ Ռոբերտ Քոչարյանի և մյուսների նկատմամբ քրեական օրենսգրքի 300․1 հոդվածով քրեական հետապնդումը դադարեցնելու և այդ մասով գործի վարույթը կարճելու վերաբերյալ պաշտպանական կողմի դիմումի վերաբերյալ դատական ակտը. «Դատարանը որոշեց Ռոբերտ Քոչարյանի նկատմամբ ՀՀ քրեական օրենսգրքի 300․1 հոդվածի առաջին մասով քրեական հետապնդումը դադարեցնել՝ հանցագործության դեպքի բացակայության հիմքով: Ռոբերտ Քոչարյանի նկատմամբ ընտրված խափանման միջոց գրավը վերցնելու կամ դրա չափը նվազեցնելու վերաբերյալ պաշտպանական կողմի միջնորդությունը մերժել»:
Տաթև Հարությունյան
