Լրահոս
Օրվա լրահոսը

Ռոբերտ Քոչարյան․ «Ես առաջարկում եմ և՛ առաջին, և՛ երրորդ նախագահին միասնական պայքարել այս իշխանության դեմ, պայքարել ամեն օր»

Մայիս 09,2021 17:59

Հայաստանի Հանրապետության երկրորդ նախագահ Ռոբերտ Քոչարյանի, Հայ հեղափոխական դաշնակցություն և «Վերածնվող Հայաստան» կուսակցությունների համագործակցությանը նվիրված միջոցառումից հետո «Հայաստան» դաշինքի անդամները պատասխանեցին լրագրողների հարցերին։ 

Անդրադառնալով նախագահների միասնական պայքարին՝ Ռոբերտ Քոչարյանը ասաց․ «Ես առաջարկում եմ և՛ առաջին, և՛ երրորդ նախագահին միասնական պայքարել այս իշխանության դեմ, պայքարել ամեն օր»։

Նա նշեց, որ եթե նրանք մտադրված են պայքարել, ապա հաջողության են հասնելու․ «Սա բոլորի հաջողությունը կլինի։ Միասնական դաշինք ձևավորել-չձևավորելը ուղղակի այդ պայքարի տեխնիկաներից մեկն է։ Ես որոշել եմ ընտրությունների գնալ այս ձևաչափով (նկատի ունի՝ «Հայաստան» դաշինքը, խմբ.)։ Միայն կողջունեմ, եթե իրենք ամբողջությամբ, ամբողջ թափով մտնեն պայքարի մեջ։ Եվ այս պայքարը ունի երկու բաղադրիչ, մեկը՝ պայքար այս կործանարար իշխանության դեմ, և մյուսը՝ այո՛, պայքար նաև իշխանության համար։ Կարելի է պայքարել առաջին բաղադրիչով, չպայքարել երկրորդով։ Բայց նա, ով չի պայքարում առաջին բաղադրիչով, ուղղակի դասալիքություն է ցուցադրում։ Սա եմ համարում երկրի շահին ծառայելը»։

Ամի ՉԻՉԱԿՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2021
Երկ Երե Չոր Հնգ Ուրբ Շաբ Կիր
« Ապր   Հուն »
 12
3456789
10111213141516
17181920212223
24252627282930
31