«Սերժ Սարգսյանն ասում է՝ Նիկոլ Փաշինյանը թող իր տղային տա, եւ ռազմագերիներին հետ բերի։ Նախ, դա ասելու բան չի։ Չի կարելի նման բաներ ասել»,-Քասախ համայնքում քաղաքացիների հետ հանդիպմանն այսօր հայտարարեց «Լուսավոր Հայաստան» կուսակցության ղեկավար, ԼՀԿ վարչապետի թեկնածու Էդմոն Մարուքյանը։
Հիշեցնենք՝ ՔՊ առաջնորդ Նիկոլ Փաշինյանն ի լուր Ռոբերտ Քոչարյանի եւ Սերժ Սարգսյանի՝ հայտարարել էր, թե իր որդուն տալիս է բոլոր գերիների վերադարձի դիմաց։ Դրան նախորդել էր Սերժ Սարգսյանի հայտարարությունն այն մասին, որ «իր Աշոտիկին թող Նիկոլը տա, 20-25 գերի վերադարձնի»։
«Սա ո՞ր դարն է, որ Ադրբեջանը որեւէ մեկի երեխային պատանդ վերցնի ու ռազմագերի տա։ Այդ ո՞վ է պատկերացնում, որ նման բան կարող է լինել։ Սա իրականությանը չհամապատասխանող սուտ հռետորաբանություն է։ Փաշինյանն էլ վերցնում է այդ հռետորաբանությունն ու ասում, թե Ալիեւ, վերցրու տղայիս, ռազմագերիներին տուր։ Այս թատրոնն ո՞ւմ է պետք»,-հարցադրումներ արեց Էդմոն Մարուքյանը։
Նա նաեւ շեշտեց՝ Նիկոլ Փաշինյանը Սերժ Սարգսյանին եւ Ռոբերտ Քոչարյանին է բանավեճի հրավիրում, որովհետեւ նրանք են իր համար հարմար մարդիկ, ուստի ինքը Նիկոլ Փաշինյանին բանավեճի է հրավիրում ներկայի ու ապագայի մասին։
Կարդացեք նաև
Լուիզա ՍՈՒՔԻԱՍՅԱՆ
