Այսօր ԱԺ արտահերթ նստաշրջանում քննարկվեց «Պետական պաշտոններ եւ պետական ծառայության պաշտոններ զբաղեցնող անձանց վարձատրության մասին օրենքում» փոփոխությունների նախագիծը, որը քննադատության տեղիք է տվել:
Նախագծի հեղինակները «Իմ քայլը» խմբակցության պատգամավորներ Նիկոլայ Բաղդասարյանն ու Վիկտոր Ենգիբարյանն են: Այս նախագծով առաջարկվում է պատգամավորների գործունության հետ կապված ամսական ծախսերը 50,000 դրամից դարձնել 250,000 դրամ՝ հիմնավորելով, որ պատգամավորների թիվը նվազել է, ավելի կծանրաբեռնվեն:
ՔՊ-ի ցուցակում ընդգրկված՝ ԱԺ պատգամավոր Սերգեյ Բագրատյանը հետաքրքիր հաշվարկ ներկայացրեց, թե ինչ արագ կծախսվի այդ 250 հազար դրամը. «Եթե վերցնենք ոչ թե Սյունիքի մարզ, այլ Վայոց ձորի մարզ ու մի հատ փոքրիկ թվաբանություն անենք, առնվազն 60 լիտր բենզին ես ծախսում, երբ որ գնում ես Վայոց ձորի գյուղերը, վերադառնում ես, մոտ 450-500 կմ է, եթե 60 լիտր բենզինը վերածենք դրամի, առնվազն 30 հազար դրամ է: Գիշերակաց եւ հաց ուտելու համար եւս 30 հազար դրամ, այսինքն, 1 այցը 60 հազար դրամ է ծախսվում: Ամսական 4 անգամ շաբաթ-կիրակի գնում ես ու 60×4, առնվազն 240 հազար դրամ ծախսվում է միանշանակ, այդտեղ երկրորդ կարծիք չկա»:
Իսկ ինչ վերաբերում է նրան, որ մեկը կվերցնի, մարզ կգնա, մյուսը կվերցնի ու կդնի գրպանը, չի գնա՝ Սերգեյ Բագրատյանն ասաց, որ այդ պատգամավորին ոչ մեկը չի հարգի, մարզ գնալը բարոյական պարտքի պես բան է:
Կարդացեք նաև
Հռիփսիմե ՋԵԲԵՋՅԱՆ
