Նոր խորհրդարանի աշխատանքը նշանավորվեց լրագրողական աշխատանքի խայտառակ սահմանափակումներով, եւ առհասարակ՝ ԱԺ շենքում, անգամ 1999 թվականի հոկտեմբերի 27-ի սպանդից հետո, երբեք այսքան ոստիկան եւ անվտանգության աշխատակից չէր եղել։ Լրագրողական ընդվզումներին ի պատասխան, ԱԺ նոր ղեկավարությունը հայտարարում է, թե այս շենքում «հոկտեմբերի 27» է եղել, եւ Նաիրի Հունանյանը լրագրող էր։
Մոռանում են, որ լրագրող էր նաեւ Նիկոլ Փաշինյանը, լրագրողական գործունեությամբ են զբաղվել իրենցից շատ-շատերը, բայց ոչ ոք մեր պետության եւ ազգի դեմ ծավալած նրանց եռամյա գործունեության աղետալի հետեւանքների մասին խոսելիս իրենց չի համեմատում մեր երկրի պատմությունը շրջած ոճրագործի՝ Նաիրի Հունանյանի հետ։ Եվ ընդհանրապես՝ 99-ից 22 տարի անց ինչո՞ւ են հիշել հոկտեմբերի 27-ը, որտեղի՞ց են այս անասնական վախերը, եւ ի՞նչ վտանգ են զգացել լրագրողներից հենց այսօր։
Արմինե ՕՀԱՆՅԱՆ
Հոդվածն ամբողջությամբ՝ «Հրապարակ» օրաթերթի այսօրվա համարում
