Այսօր պաշտոնապես տարածվեց տարածաշրջանում ռուս խաղաղապահ ուժերի հրամանատարի և մանկահասակ երեխաների վրա զենք պարզած, ահաբեկած, սպանել ցանկացող, սակայն իր կամքից անկախ չիրականացրած, քրեական հանցագործություն կատարած, ձերբակալված, այնուհետև կալանավորված ադրբեջանցի հանցագործ ահաբեկչի ձեռքը բռնած նկարը։
Արձանագրում եմ, որ ռուս խաղաղապահ ուժերի հրամանատարը ադրբեջանցիների կողմից գերևարված ոչ մի հայորդու հետ նկար չի տարածել, ընդ որում գերևարված ոչ մի հայորդի զենքով անչափահասի չի սպառնացել, ընդամենը անատամ հրամանատարներ ունենալու պատճառով գերեվարվել, խոշտանգվել են, և ի տարբերություն ադրբեջանցի այդ բորենու, համարվում են ռազմագերիներ։ Անհրաժեշտ է տարբերակել հանցագործին ռազմագերուց, ինչպես նաև պահել երկու կողմերի միջև հավասարության, արժանապատվության նշանը։
Իրավամբ, ռուս խաղաղապահներն ուրույն դերակատարումն ունեն տարածաշրջանում, իսկ խաղաղապահների ղեկավարն ուրույն դերակատարում ունի հայ ռազմագերիների վերադարձման գործում, սակայն նման ֆորմատով նկարը անչափահաս երեխաներին սպանել ցանկացող հանցագործի հետ, չի բխում այն առաքելությունից, ինչին որ կոչված է և իր մեջ պարունակում է վատ նախադեպ։
Լևոն Բաղդասարյան
Կարդացեք նաև
«ՓԱՍՏԱԲԱՆԱԿԱՆ ԳՐԱՍԵՆՅԱԿ ԼԵՎ ԳՐՈւՊ»
