Aravot.am-ի տեղեկություններով, ոստիկանության Նաիրիի բաժին զանգած, ապա հաղորդում տված Մ.Ա. -ն հայտնել է, որ դեկտեմբերի 26-ին, գիշերվա ժամը 01-02-ն ընկած ժամանակահատվածում իր դստեր նախկին ամուսինը՝ Գիվի Հովհաննիսյանը կրակել է իր տան ուղղությամբ, կոտրելով տան ձեղնահարկի պատուհանը: Վնասի չափը, հանգամանքները պարզվում են:
Մեր տեղեկություններով՝ բաժին է կանչվել Գիվի Հովհաննիսյանը, որը քրեական գործերով ճանաչված փաստաբան է, եւ պատրաստվում է դատավորների քննության համար հայտ ներկայացնել: Նա հրաժարվել է բաժնում բացատրություն տալ:
«Առավոտի» հարցին, թե իրեն բաժին կանչե՞լ են, արդյոք բացատրություն տվե՞լ է, Գիվի Հովհաննիսյանը պատասխանեց. «Իմ անվան հետ կապված նման բաները շառ են, ես որեւէ անօրինական արարք թույլ չեմ տվել»:
