ՏԱՍՍ. Տոկիոյի բժշկական գիտությունների ինստիտուտի մի խումբ ճապոնացի գիտնականներ կորոնավիրուսի դեմ պատվաստանյութ են մշակում, որը կպաշտպանի մարդուն ողջ կյանքի ընթացքում։ Ըստ The Japan Times-ի դեղամիջոցի կլինիկական փորձարկումները կարող են սկսվել 2023 թվականին:
Մկների վրա իրականացված փորձերը ցույց են տվել հակամարմինների բարձր մակարդակ, որը պահպանվել է ավելի քան 20 ամիս:
Պատվաստանյութի այս տեսակը տեղափոխման ու պահպանման հատուկ մեթոդների կարիք չունի։
Ճապոնական Nobelpharma դեղարտադրող ընկերությունը պատրաստվում է հաջորդ տարվա առաջին կիսամյակում անցկացնել պատվաստանյութի կլինիկական փորձարկումների առաջին և երկրորդ փուլերը։
Կարդացեք նաև
Ակնկալվում է, որ ուսումնասիրությանը կմասնակցի 150-200 մարդ, ներառյալ նրանք, որոնք հիվանդացել են կորոնավիրուսով, ինչպես նաև նրանք, որոնք պատվաստվել են:
Եթե նոր պատվաստանյութի արդյունավետությունն ու անվտանգ լինելը հաստատվի, կմեկնարկի կլինիկական փորձարկումների վերջնական փուլը, և ծրագրի ֆինանսավորման դեպքում հնարավոր կլինի դեղամիջոցը շուկա հանել 2024 թվականին:
Պատրաստեց Աիդա Մարտիրոսյանը
