Հայաստանի վարչապետի խորհրդական Ռոբերտ Ղուկասյանը ազատվել է խորհրդականի պաշտոնից։ Ղուկասյանը նշանակվելու է Սյունիքի մարզպետ։ Հարցը կառավարության նիստի օրակարգում է։
Նշենք, որ Ռոբերտ Ղուկասյանը միաժամանակ Սյունիքի հարցերով միջգերատեսչական աշխատանքային խմբի ղեկավարն է։
Հիշեցնենք, որ օրեր առաջ, երբ իր դիմումի համաձայն աշխատանքից ազատվեց Սյունիքի մարզպետի տեղակալ Նարեկ Բաբայանը, Aravot.am-ի աղբյուրները նշել էին, որ առաջիկայում աշխատանքից ազատվելու են մարզպետ Մելիքսեթ Պողոսյանն ու փոխմարզպետ Կարո Ավանեյանը։
Արմեն ԴԱՎԹՅԱՆ