Միջազգային ճգնաժամային խումբը ռուս-ուկրաինական պատերազմի ֆոնին նոր տեղեկագիր է հրապարակել «Ուկրաինայի պատերազմի ֆոնին խաղաղության ուղիներ փնտրելով» խորագրով:
Դրանում նշվում է, որ Ուկրաինայում Ռուսաստանի սկսած պատերազմի ֆոնին հայաբնակ Լեռնային Ղարաբաղում և դրան հարող տարածքներում ռազմական գործողությունների սրումը, այդ թվում՝ մարտի վերջին Ադրբեջանի կողմից էթնիկ հայկական գյուղի գրավումը, առաջացրել են ինչպես հակամարտության վերսկսման վախ, այնպես էլ խաղաղ բանակցությունների հույսեր:
Զեկույցի հեղինակները կարծում են, որ եթե իրավիճակը սրվի, ապա մարտերի բռնկումը կարող է ետ շրջել Հայաստանի և Ադրբեջանի միջև հարաբերությունների կարգավորման և խաղաղության հաստատման զգույշ առաջընթացը: Ուկրաինայում պատերազմը կարող է շեղել ինչպես Ռուսաստանին, այնպես էլ մյուս պետություններին, որոնց ներգրավվածությունը անհրաժեշտ կլինի բանակցությունները հեշտացնելու և կայուն լուծում գտնելու համար։
«Հայաստանը, Ադրբեջանը և Լեռնային Ղարաբաղի փաստացի իշխանությունները պետք է շարունակեն ազգային և տեղական մակարդակով բանակցությունները տնտեսական և այլ հարցերի շուրջ, որտեղ կարող են լինել ընդհանուր եզրեր: ԵԱՀԿ Մինսկի խմբի համանախագահներ, Եվրոպական միությունը և Թուրքիան պետք է շարունակեն այս երկխոսությունը»,- ասվում է տեղեկագրում:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
