Մայիսի 5-ին Կապանում ընդդիմությունը բողոքի ցույց էր կազմակերպել։ Օրվա ընթացքում կոչ էին անում մտահոգ քաղաքացիներին հավաքվել Կապանի Գարեգին Նժդեհի հուշահամալիրում։
Կարդացեք նաև
«Հարգելի հայրենակիցներ, այսօր ժամը 17:00-ին, բոլոր մտահոգ քաղաքացիներին հրավիրում ենք Գարեգին Նժդեհի հուշահամալիր` ի նշան բողոքի Արցախի, Սյունիքի եւ ողջ Հայաստանի հանդեպ իրականացվող դավադիր քաղաքականության։ Միացեք ողջ ՀՀ-֊ում սկսված դիմադրության շարժմանը»,-ասվում էր կոչում։
Կապանում հավաքը սակավաթիվ էր․ մոտ 15-20 մարդ։ Թերեւս սա հաշվի առնելով, ինչպես նաեւ եղանակային պայմաններից ելնելով՝ կազմակերպիչները որոշեցին իրազեկման ավտոերթ կազմակերպել՝ անցնելով Սյունիքի մարզկենտրոնի բոլոր փողոցներով։
«Սյունեցին պետք է օր առաջ զարթնի, Սյունիքի լաոն պիտի օր առաջ զարթնի։ Պետք է կասեցնենք այս հայրենադավ իշխանությունների գործողությունները։ Հանուն Արցախի, հանուն Հայաստանի, հանուն միասնական հայրենիքի»,-հնչում էր ավտոերթի ընթացքում։
Արմեն ԴԱՎԹՅԱՆ






























































