Aravot.am-ի տեղեկություններով, Արարատի մարզի դատախազությունից ստացվել է գրությունն, որ ստուգման նպատակով ուղարկվել է Դարակերտ համայնքի նախկին ղեկավար պաշտոնատար անձանց գործողությունների վերաբերյալ Մասիս համայնքի ղեկավարի գրությունը, թե հունվարի 12-ի կարգադրությամբ ստեղծված ակտիվների և պարտավորությունների գույքագրման հանձնաժողովին է փոխանցվել գնման ընթացակարգի փաթեթ:
Նախնական ուսումնասիրությամբ՝ փաթեթում հայտնաբերվել են մի շարք անհամապատասխանություններ գնումների մասին գործող օրենսդրությանը, մասնավորապես պայմանագրերում գնման գործընթացը կազմակերպվել է Դարակերտ համայնքի Կենտրոնական փողոցի թիվ 20 հասցեում գտնվող շինության վերակառուցման և կապիտալ նորոգման համար, սակայն փաստացի նշված շինությունը գտնվել է Դարակերտ համայնքի Կենտրոնական փողոցի թիվ 19 հասցեում, իսկ այդ շինության շինարարական աշխատանքները ապրիլի 25-ի դրությամբ ամբողջությամբ ավարտված չեն եղել:
Ըստ նույն աղբյուրի, 2021 թ. նոյեմբերի 27-ին նոտարական կարգով կնքված պայմանագրի հիման վրա տարածքը ամսեկան 10.000 ՀՀ դրամ վարձավճարով տրամադրել է վարձակալության, ընդ որում առկա է վարձակալության մրցույթում հաղթող ճանաչելու մասին Դարակերտ համայնքի ղեկավարի նույն օրը կայացված երկու իրարամերժ որոշումներ:
Հետաքննության խմբի ավագ տեսուչը ներկայացրել է զեկուցագիր:
Կարդացեք նաև
Նախապատրաստվում են նյութեր: