«Հունիսի 3-ն ամենացավոտ օրերից մեկն է լինելու նոյեմբերի 9-ից հետո, որովհետև հունիսի 3-ին ոստիկանության բարբարոսություններով գիտե՞ք ովքեր էին հպարտանում՝ թուրքերը»,- Ֆրանսիայի հրապարակում Դիմադրության շարժման հանրահավաքի ժամանակ հայտարարեց «Հայաստան» խմբակցության պատգամավոր Արամ Վարդևանյանը։
Անդրադառնալով բախումներին՝ նշեց․ «Երբ ասում ենք՝ մարդ, կին տարեց, երեխա ծեծող ոստիկանը ոստիկան չէ, նաև դրա համար ենք ասում, որ իրենք հանցագործ են, ոչ թե ոստիկան։ Խոսում են, որ իբր այդ օրը մեր հավաքը խաղաղ չի եղել։ Գիտեք՝ ոստիկանությունը ՀՀ օրենսդրության համաձայն, հավաքների ազատության մասին օրենքի 32-րդ հոդվածի համաձայն՝ պարտավոր է աջակցել խաղաղ հավաքին։ Երբ ոստիկանական սադրանք է լինում Պռոշյան-Դեմիրճյանի վրա, դրա մեղավորը միայն ոստիկանությունն է, որովհետև դա ոստիկան չէ, դա հանցագործ է։
Էդ ոստիկանների մասով ախր գիտենք, որ խնդիրներ եղել են։ Խնդիրներից մեկն էլ եղել է այն, որ մարդկանց ձերբակալել, կալանավորել են ոստիկանի ցուցմունքի հիման վրա։ Որ մի ոստիկան գնացել է, էդ պահին, օրինակ, եղել է Ֆրանսիայի հրապարակում, գնում ցուցմունք է գրում՝ Դեմիրճյանում տեսել եմ՝ մեկը ոստիկանին էր խփում։ Սա աբսուրդ է։ էս խնդիրը եղել է նախկինում։ Հիմա հարց՝ ո՞վ է ավելի նախկին․ ախր նախկինը դուք եք, օրվա իշխանությունից նախկին չկա»։
Արամ Վարդևանյանը նշեց՝ հիմա էլ են այդ կերպ վարվում։ Ու շարունակեց․ «Մի հատ մեկի մազը ծռվում էր՝ մի քանի հայտարարություն էին տարածում։ Մեր՝ բոլորիս վրա, երբ լուսաձայնային նռնակ էին գցում, դա գցել են ԵՄ դեսպանության դիմաց։ Դուք իրենցից արձագանք, ձայն, ծպտուն լսե՞լ եք։ Ամոթ է, ամոթ»։
Կարդացեք նաև
Տաթև ՀԱՐՈՒԹՅՈՒՆՅԱՆ