«Հանրահավաքներ կազմակերպող եւ դրանց մասնակցող ուժերը խոսում են այն մասին, որ ՀՀ-ն ճիշտ քաղաքականություն չի վարում Լեռնային Ղարաբաղի հարցում, Ադրբեջանի հետ բանակցություններում, Հայաստանի եւ Թուրքիայի հարաբերությունների կարգավորման գործընթացում, բայց, տարօրինակորեն, մենք չենք տեսել հայտարարություններ այն մասին, որ եթե կառավարությունը հրաժարական տա եւ իշխանությունը փոխանցվի այդ ուժերին, նրանք պատրաստվո՞ւմ են, օրինակ, չեղարկել նոյեմբերի 9-ի եռակողմ հայտարարությունը կամ հետագա հայտարարությունները, դուրս գալ սահմանազատման գործընթացից»,- այսօր ՀՀ ԱԳՆ-ում ռուսաստանցի գործընկերոջ հետ հանդիպումից հետո կայացած մամուլի ասուլիսում հայտարարեց Հայաստանի արտաքին գործերի նախարար Արարատ Միրզոյանը՝ պատասխանելով հայաստանյան ընդդիմության հանրահավաքների մասին ռուս լրագրողի հարցին։
«Եթե այդպիսի մոտեցում հայտարարվեր, գուցե, տրամաբանական կլիներ, որովհետեւ մեր մոտեցումները վաղուց հանրահռչակված են։ Եվ տրամաբանական կլիներ, որ այս հավակնորդ քաղաքական ուժերի մոտեցումն այդ առանցքային հարցերում հակառակը լիներ։ Որեւէ խոսք նշածս գործընթացները կասեցնելու կամ դրանցից դուրս գալու մասին չեմ լսել, ինչը ինձ թույլ է տալիս ենթադրել, որ այդ թեման ընդդիմության կողմից զուտ շահարկման առիթ է»,- ասաց Արարատ Միրզոյանը՝ հավելելով, որ ինքը Հայաստանում քաղաքական ճգնաժամ չի տեսնում:
Այլ մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
