Կառավարության նիստից հետո լրագրողների հետ ճեպազրույցում էկոնոմիկայի նախարար Վահան Քերոբյանը պատասխանելով հարցին՝ Հայաստանի եւ Թուրքիայի միջեւ ձեռքբերված պայմանավորվածությունն՝ սահմանի բացումը 3-րդ երկրների քաղաքացիների համար եւ Հայաստան-Թուրքիա ուղիղ օդային բեռնափոխադրումներն ի՞նչ օգուտներ են տալու Հայաստանին, ասաց՝ Հայաստանը փակուղուց վերածվելու է խաչմերուկի։
Նախարարի խոսքով․ «Պատկերավոր ասած՝ պետք է համեմատենք փակուղին խաչմերուկի հետ։ Այսինքն՝ որտե՞ղ է օրինակ՝ անշարժ գույքն ավելի թանկ արժե՝ խաչմերուկի՞ վրա, թե՞ փակուղու վերջում։ Հիմա մենք, ըստ էության, Հայաստանը փակուղուց դարձնում ենք խաչմերուկ, եւ բնականաբար, սրա արդյունքում կունենանք շատ մեծ էֆեկտներ բոլոր առումներով՝ թե՛ տնտեսական, թե՛ տրանզիտային, բոլոր»։
Նելլի ԲԱԲԱՅԱՆ