Շախմատի 44-րդ համաշխարհային օլիմպիադայի հինգերորդ տուրից հետո տղամարդկանց մրցաշարում միայն երկու՝ Հնդկաստանի 2-րդ եւ Հայաստանի հավաքականներն են, որ միայն հաղթանակներ են տարել եւ առանց թիմային միավորի կորստի միասին նույն հաջորդականությամբ գլխավորում են մրցաշարային աղյուսակը: Հինգերորդ տուրում Հնդկաստան-2-ը 2,5:1,5 հաշվով հաղթել է Իսպանիային, Հայաստանը նույն հաշվով՝ Անգլիային: Այսօր վեցերորդ տուրում առաջատարները խաղում են միմյանց հետ:
Կանանց պայքարում մեր աղջիկները 3:1 հաշվով առավելության են հասել Ինդոնեզիայի նկատմամբ եւ մրցաշարային աղյուսակում եզրափակում են ուժեղագույն տասնյակը: Այսօր մեր աղջիկների մրցակիցը Անգլիան է:
Աշոտ ՀԱԿՈԲՅԱՆ
