Aravot.am-ի տեղեկություններով, օրերս միջադեպ է տեղի ունեցել Երեւանի քաղաքապետարանի «Իմ քայլը» խմբակցության անդամ Դավիթ Զախարյանի եւ նրա մոր հետ։ Մեր աղբյուրի փոխանցմամբ՝ մայրաքաղաքի մանկապարտեզներից մեկում, որտեղ գտնվել է Զախարյանը, մի կին հարձակվել է իր եւ իր մայրիկի վրա ու հարվածել։ Կինը ձերբակալվել եւ բաժին է տեղափոխվել:
Դավիթ Զախարյանը մեզ հետ զրույցում չհերքեց, որ դեպք է տեղի ունեցել։ Նա ասաց, որ պարզապես անախորժ դեպք է եղել, երեխային էր այդ պահին մանկապարտեզից վերցնում։ Մեր հարցին՝ արդյոք այդ կինը ճանաչում էր իրեն, գիտե՞ր , որ ավագանու անդամ է, Զախարյանը պատասխանեց․«Ոչ, չէր ճանաչում։ Դեպքը մայրիկիս հետ է կապված եւ ես այս գործում որեւէ կարգավիճակ չունեմ, չգիտեմ՝ գործ հարուցվե՞լ է, թե՝ ոչ»։
Նշենք, որ այս միջադեպի վերաբերյալ նախապատրաստված նյութերն ու Զախարյանի եւ մոր վրա հարձակված կինը ներկայացվել են քննչական բաժին:
Նելլի ԲԱԲԱՅԱՆ
