«Բալիկիս հետ միշտ եմ մասնակցում ընդդիմության հանրահավաքներին: Այսօր էլ այստեղ եմ` հանուն Արցախի աջակցության հանրահավաքում: Ակնկալիքս մեկն է. ցույց տալ աշխարհին, որ հայը կա, որ հայը դուրս է գալու իր երկիրն ու հողը պաշտպանելու` անկախ քաղաքական ուժերի շարվածքից, անկախ ներկա օրակարգերից:
Իմ բալիկի համար էլ միանշանակ ցանկանում եմ, որ կառուցենք այնպիսի Հայաստան, այնպիսի երկիր, որտեղ մեր երեխաները առանց պայքարելու հողի համար, ապրեն եւ երջանիկ լինեն: Մի բան, որ այսօրվա իշխանությունը ոչ թե ի վիճակի չէ անել, այլ ուղիղ հակառակն է անում` ծառայելով թշնամու օրակարգերին»-այսօրվա հանրահավաքն ընդմիջած քայլերթի ժամանակ ասաց գրկի երեխայի հետ իր բողոքն արտահայտելու եկած Էլիզա Առաքելյանը:
Աշոտ ՀԱԿՈԲՅԱՆ
