«Չեմ հոգնի կրկնել, որ STARMUS-ը ավելի որակյալ եւ ավելի երկարատեւ ազդեցություն է ունենալու գիտության, մշակույթի, կրթության ոլորտների վրա, քանի որ այստեղ հյուրընկալեցինք տասնյակ անվանի գիտնականների եւ Նոբելյան մրցանակակիրների, որոնք օրեր շարունակ դասախոսություններով հանդես եկան, շքեղ միջոցառումներ իրականացրին մարզահամերգային համալիրում»,- STARMUS փառատոնի ամփոփման ասուլիսին նշեց վարչապետի աշխատակազմի ղեկավար Արայիկ Հարությունյանը: Նրա ձեւակերպմամբ, կարողացել են լուծել իրենց առջեւ դրված բոլոր խնդիրները:
Deputy Speaker of the RA National Assembly Hakob Arshakyan, Chief of Staff of the RA Prime Minister Arayik Harutyunyan and Co-founder of the Starmus Festival Garik Israelyan gave a closing press conference of the STARMUS VI festival at the Holiday Inn Hotel of Yerevan, Armenia
Փառատոնի համահիմնադիր, անվանի աստղաֆիզիկոս Գարիկ Իսրայելյանը շնորհակալություն հայտնեց փառատոնի աջակիցներին՝ մասնավորապես ՀՀ կառավարությանը, միջազգային հովանավորներին ու STARMUS-ի տեղական թիմին: «Ինձ թվում է մեր բոլոր 6 STARMUS-ների մեջ սա ամենալավ ու դինամիկ թիմն էր: Կարծում եմ՝ նաեւ այս անգամ ամենալավն էր փոխազդեցությունը՝ դասախոսների, ուսանողների, տեղական մեդիայի հետ: Ես զարմացած էի, թե ինչքան շատ հարցազրույցներ ունեցանք դասախոսների, երաժիշտների հետ, շատ դրական ազդակներ եղան… Բոլոր կողները շահեցին: Թե STARMUS -ը շատ գոհ մնաց, թե լրագրողները եւ ամենակարեւորը՝ մեր բուհերն եւ ուսանողները:
Մեր բուհերը երբեք նման բան չէին տեսել, որ մեկ շաբաթվա ընթացքում օրվա մեջ մի քանի անգամ այդքան շատ դասախոսություններ լինեն աշխարհահռչակ գիտնականների կողմից: Բավականին խիտ ծրագիր էր, ու այն կազմակերպելը, որ համերգները, միջոցառումները, դասախոսությունները լավ անցնեն, շատ բարդ էր: Բայց ինչպես ասում են՝ բախտավոր աստղի տակ ծնված լինելը հենց STARMUS-ի մասին է: Ի դեպ, ես Հայաստան գալուց առաջ բոլորին ասում էի՝ կտեսնեք, ամենալավ փառատոնն է լինելու»,-ասաց Գարիկ Իսրայելյանը:
Նրա ձեւակերպմամբ, բավականին նյութ է հավաքվել, ամեն ինչ նկարահանվել է՝ դասախոսություններ, համերգներ: «Այս ամբողջը դեռ պետք է մարսենք… Հայաստանին վաղուց պետք էր նման մեծ, «թափ տվող» տոն, ուրախ եմ, որ մեզ օգնեցին այն իրականացնել»,-ասաց փառատոնի համահիմնադիրը:
Կարդացեք նաև
Գոհար ՀԱԿՈԲՅԱՆ
