Լրահոս
Օրվա լրահոսը

Փաստաբանության ձևավորման 104-րդ ամյակը՝ ֆոտոշարքով

Դեկտեմբեր 06,2022 21:32

Ազգային պատկերասրահի Որմնանկարների ցուցասրահում այսօր հանդիսություն էր:

ՀՀ Փաստաբանների պալատի նախագահ Սիմոն Բաբայանը շնորհավորեց  մասնագիտական օրվա և փաստաբանության ձևավորման 104-րդ ամյակի առթիվ:

Նա հանդես էր եկել ուղերձով, որում մասնավորապես ասված էր․ «Ցանկանում եմ իմ խորին շնորհակալությունը հայտնել ՀՀ բոլոր փաստաբաններին՝ փաստաբանի դժվարին առաքելությունը հանձն առնելու և մեր համայնքի համբավն ու հեղինակությունը բարձր պահելու համար: Անխոս, յուրաքանչյուր փաստաբանի հաջողությունը համայնքի հաջողությունն է:

Հպարտորեն կարող եմ արձանագրել, որ փաստաբանական համայնքը հավատարիմ մնալով փաստաբանի վարքագծի կանոններին և փաստաբանական էթիկայի սկզբունքներին, բարձր հեղինակությամբ ու իրավական համակարգում շարունակաբար ամրապնդվող պրոֆեսիոնալ ազդեցությամբ նպաստում է մեր երկրում արդարադատության հաստատմանը:

Եվս մեկ անգամ շնորհավորում եմ բոլորիս:

Շարունակե՛ք առաջնորդվել անկախությամբ, պարկեշտությամբ, բարեխղճությամբ և մասնագիտական պատվախնդրությամբ, թող բոլորիս գերնպատակը լինի Հայաստանի Հանրապետության Սահմանադրությամբ երաշխավորված մարդու իրավունքների ու օրինական շահերի պաշտպանությունը»:

Մինչ փաստաբանների արտոնագրերի հանդիսավոր հանձնման արարողությունը, նա լրատվամիջոցներին հանձնեց շնորհակալագրեր: Նրանց մեջ էր «Առավոտ» կայքը․ փաստաբանության ձևավորման 104-րդ ամյակի առթիվ մեր կայքը փաստաբանական ինստիտուտի հետ ակտիվ համագործակցության, փաստաբանների հետ արդյունավետ աշխատանքի եւ իրավական ոլորտի խնդիրները պատշաճ լուսաբանելու համար արժանացավ շնորհակալագրի:

 

 

Սեփ․լր․

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Դեկտեմբեր 2022
Երկ Երե Չոր Հնգ Ուրբ Շաբ Կիր
« Նոյ   Հուն »
 1234
567891011
12131415161718
19202122232425
262728293031