44-օրյա պատերազմում հայրենիքի պաշտպանության համար նահատակված հերոս Հայկ Մելիքյանի մայրը` Նաիրա Մելիքյանը ողջունում է շրջափակման մեջ գտնվող արցախցիների երեկվա հանրահավաքը: Սակայն նրա համոզմամբ. «Դա գուցե միջազգային հանրությանը ինչ-որ ուղերձներ կհղի, բայց ունենալ ակնկալիքներ, որ դրանից ճանապարհը կբացվի կամ խնդիրները կլուծվեն, նորից միամտություն է: Ավելի վաղ էլ եմ ասել, որ միջազգային կազմակերպությունների գրասենյակների առջեւ ակցիաները, հացադուլները որեւէ արդյունք չեն տալու, ինչպես միշտ չեն տվել: Ուժեղի մոտ միշտ էլ թույլն է մեղավոր»:
Անդրադառնալով օրերս Ալիեւի նոր հոխորտանքներին` Նաիրա Մելիքյանն ասաց. «Որեւէ մակարդակում չկա պատասխան, հակազդեցություն` ոչ իշխանության, ոչ ընդդիմության, ոչ ժողովրդի կողմից: Ալիեւի նման հերթական ծաղրածուն, ախր նա էլ ծաղրածու է եւ ինքն իրենով որեւէ հարց լուծող չէ, այս հաջողություններից, որ իրեն նվեր է տրվել, հարբածի նման գլուխը կորցրած նրա պոռթկումները, հայկական կողմի լռության արդյունք է: Այդ ոչնչությունից ի՞նչ պետք է ակնկալել` զսպվածությո՞ւն, մեծահոգությո՞ւն: Թուրքը երբեք մեծահոգի չի լինում: Մենք ենք մեղավոր: Եթե դու որեւէ բան չես անում քո արժանապատվությունը պաշտպանելու համար, բնական է. ով, ինչ, երբ ուզի` կանի: Եվ հիմա ինչ-որ անում են մեր հետ, մեր անտարբերության, մեր լռության արդյունքն է»,-ասաց տիկին Նաիրան:
Զոհված զինվորի մայրը դժգոհ է նաեւ, իր իսկ բնութագրմամբ, ծույլիկ ընդդիմությունից, որը պառակտված է եւ այդպես էլ չի միավորվում, իր ոչ արդյունավետ մարտավարությունից հետեւություններ չի անում: Նա չի ընդունում նաեւ հանրության անտարբերությունը:
Կարդացեք նաև
Աշոտ ՀԱԿՈԲՅԱՆ
Այո, ընդդիմությունը սատկել է, ժողովրդի ակտիվ մասը անորոշ վիճակում է, մտավորականներն էլ իրենց թասիբը կորցրել են։ Հայրենասեր ընդդիմության կարիք կա։