ԱԺ հերթական նիստում «Հայաստան» խմբակցության պատգամավոր Գեղամ Մանուկյանն անդրադարձավ ԱԺ քառօրյայի օրակարգին, որտեղ հրատապ հարցեր ընդգրկված չեն։ «Այնինչ, ադրբեջանական ագրեսիան Արցախի դեմ նոր սահմաններ է անցել, Հակարիի կամրջի վրա Ադրբեջանը դրել է ամբողջական հենակետ։ Եվ բազմաթիվ մեր հայրենակիցներ այս օրերին ցավով, կսկիծով, զայրույթով ականատես էին լինում, թե ինչպես է Հայաստանի իշխանության լռության պայմաններում շարունակվում ադրբեջանական կլանումն ու օկուպացիան։ Գաղտագողին դա այն է, երբ բանակցությունների հանդիպումից հետո մեկ էլ ԱՄՆ Պետդեպարտամենտն ասում է՝ քննարկման կետերից մեկը երկու երկրների էթնիկ փոքրամասնությունների իրավունքի հարցն է։ Գաղտագողին այն է, որ արցախահայությունն Ադրբեջանում էթնիկ փոքրամասնություն է որակվում։ Գաղտնագողին այն է, որ Արայիկ Հարությունյան-Նիկոլ Փաշինյան դավաճանական տանդեմով օրինակացրեցին ադրբեջանական մաքսակետը՝ արցախահայերին տանել-բերելով այդ անցակետով»,- հայտարարեց Գեղամ Մանուկյանը։
Ռոզա ՀՈՎՀԱՆՆԻՍՅԱՆ
