Տաշքենդում ընթացող բռնցքամարտի տղամարդկանց աշխարհի առաջնությունում չորրորդ մրցումային օրվանից հետո Հայաստանի ազգային հավաքականը, որը մրցավայրում է 11 հոգանոց կազմով, հինգ կորուստ ունի։ Պայքարից դուրս են մնացել 48 կգ քաշային Բարեղամ Հարությունյանը, 51 կգ՝ Ռուդոլֆ Գարբոյանը, 60 կգ՝ Արթուր Ղազարյանը, 80 կգ՝ Համբարձում Հակոբյանը եւ գերծանր քաշային Դավիթ Չալոյանը։
Առաջին մենամարտերը հաղթանակով են ավարտել 63,5 կգ քաշային, օլիմպիական խաղերի բրոնզե մեդալակիր, աշխարհի առաջնության եռակի 3-րդ մրցանակակիր, Եվրոպայի եռակի չեմպիոն Հովհաննես Բաչկովը եւ 86 կգ քաշային Ռաֆայել Հովհաննիսյանը։
Այսօր երեկոյան ռինգ մտնելու են 57 կգ քաշային Արթուր Բազեյանը եւ 92 կգ քաշային Նարեկ Մանասյանը։ Իսկ Հովհաննես Բաչկովի հաջորդ մրցակիցը թուրք Կագան Կանլին է։
Աշոտ ՀԱԿՈԲՅԱՆ