Սյունիքի մարզպետ Ռոբերտ Ղուկասյանը խորհրդարանում լրագրողների հետ ճեպազրույցում ասաց, որ Տեղ գյուղի հատվածում երկու կողմից ինժեներական աշխատանքներ են իրականացվում, ադրբեջանցիները ինչ-որ տեղերում հետ են գնացել։
Անդրադառնալով գյուղացիների կրած վնասներին՝ Ղուկասյանն ասաց․ «Այն գյուղացիները, որոնք իրենց տարածքներ չեն կարողանում մուտք գործել, այս տարվա չիրացված եկամտի համար կստանան աջակցություն, քանի որ ես վստահ եմ, որ Ադրբեջանը պետք է հետ գնա այնտեղ, որտեղից առաջ է եկել։ Ինչ-որ տեղերում գիտեմ, որ հետ են գնացել, բայց ասել, թե կոնկրետ որ տեղերից քանի մետր են գնացել, չեմ կարող ասել, որովհետեւ ԱԱԾ սահմանապահ զորքերի տարածքում է, իրենք չեն զեկուցում ինձ։ Ադրբեջանը պետք է հետ գնա մեր սուվերեն տարածքից, դա միանշանակ դիրքորոշում է»,- ասաց Ղուկասյանը։
Մարզպետի խոսքով՝ Տեղ գյուղում շուրջ 50 ընտանիք իրենց հողատարածքները մշակելու խնդիր ունեն։
Կարդացեք նաև
Ռոզա ՀՈՎՀԱՆՆԻՍՅԱՆ
Լուսանկարը՝ Ռոբերտ Ղուկասյանի ֆեյսբուքյան էջից