Մարդու իրավունքների պաշտպան Անահիտ Մանասյանն այսօր կառավարության նիստից հետո լրագրողների հետ զրույցում չդատապարտեց Բարձրագույն դատական խորհրդում կարգադրիչների գործողությունները լրագրողների նկատմամբ:
Հիշեցնենք, նախկին դատավոր Դավիթ Հարությունյանի նկատմամբ կարգապահական վարույթի գործի քննության դռնբաց նիստին ԲԴԽ կարգադրիչները թույլ չէին տվել լրագրողներին ներկա գտնվել նիստին՝ պատճառաբանելով, որ դահլիճում տեղ չկա։
«Լրագրողների աշխատանքը պետք է լինի երաշխավորված պետական մարմիններում։ Ես չեմ խոսի ԲԴԽ-ի մասին, որովհետև խոսքը դատական վարույթի մասին է, և մարդու իրավունքների պաշտպանի տեսանկյունից կարող է խնդրահարույց իրավիճակ ձևավորվել։ Պետք է լինի հստակ կանոնակարգ, որը կուղղի լրագրողների և քաղաքացիների ներկայացվածության պրոցեսը։ Մենք հիմա միջազգային չափանիշների ուսումնասիրություն ենք իրականացնում։ Պետք է լինեն կանոններ, որոնք կապահովեն, որ եթե, օրինակ․ նիստերի դահլիճում չկա վայր, ինչ ձև պետք է որոշվի, թե որ լրագրողն իրավունք ունի մուտք գործելու նիստերի դահլիճ»,- նշեց նա՝ բավականին երկար ներկայացնելով միջազգային իրավունքի տեսությունը:
Կարդացեք նաև
Լուսինե ՄԱՐԳԱՐՅԱՆ
