Ամիսներ շարունակ արձանագրվող գնաճից հետո հունիսին հանրապետությունում գրանցվել է գնանկում։ Վիճակագրական կոմիտեն հրապարակել է սպառողական գների ցուցանիշը։
Ըստ վիճակագրական կոմիտեի հրապարակած ցուցանիշների, թեեւ 2023-ի հունվար-հունիսին նախորդ տարվա նույն ժամանակահատվածի համեմատ 4.2% գնաճ է գրանցվել, սակայն այս տարվա հունիսին նախորդ տարվա հունիսի համեմատ գրանցվել է 0.5% գնանկում, իսկ հունիսին մայիսի նկատմամբ՝ 1.4% գնանկում։
Սննդամթերքի եւ ոչ ալկոհոլային խմիչքի ապրանքախմբում 2023 թվականի հունիսին 2022 թվականի հունիսի համեմատ հանրապետությունում արձանագրվել է 5.5% գնանկում իսկ հունիսին մայիսի համեմատ՝ 3.6% գնանկում։
Հացաբուլկեղեն եւ ձավարեղենի շուկայում այս տարվա հունիսը նախորդ տարվա հունիսի նկատմամբ գները նվազել են 6.3 %-ով , հունիսին մայիսի նկատմամբ՝ 1.3%:
Կարդացեք նաև
Միսը թանկացել է, հունիսը հունիսի նկատմամբ այս շուկայում գրանցվել է 3.1 գնաճ։
Ձկան եւ ծովամթերքի շուկայում եւս գնանկում է գրանցվել՝ 3.7% այս տարվա հունիսը 2022-ի. հունիսի նկատմամբ, մայիսի նկատմամբ՝ 1.6%:
Հնդկացորենի գինը 2023 թվականի հունիսին նախորդ տարվա հունիսի համեմատ նվազել է 23.1%-ով, ոսպինը՝ 20.7%-ով, բրնձինը՝ 7.9%-ով, ձավարինը՝ 4.2%-ով, հաճարինը՝ 3.0%-ով, լոբունը՝ 2.6%-ով, իսկ մայիսի համեմատ հնդկացորենի գինը նվազել է 3.4%-ով, ոսպինը՝ 2.9%-ով, բրնձինը՝ 0.8%-ով, ձավարինը՝ 0.2%-ով, հաճարինը՝ 0.8%-ով, լոբունը՝ 0.7%-ով:
Ալյուրի շուկայում գնանկումը հունիսին հունիսի համեմատ կազմել է 16.3%, մակարոնեղենի շուկայում՝ 7.3%, հացի գինը նվազել է 5.4%ով, իսկ հունիսին մայիսի համեմատ ալյուրի գինը նվազել է 4.2%-ով, մակարոնեղենինը՝ 1.8%-ով, հացինը՝ 0.7%-ով։
Կարագի գինը հունիսին հունիսի համեմատ նվազել է 4.4%-ով, իսկ մայիսի համեմատ՝ 1.9 %-ով:
Բուսական յուղի գինը նույնպես նվազել է մեկ տարում, գնանկումը կազմել է 39.2%,հունիսը մայիսի համեմատ ձեթի գինը նվազել է 5.1%-ով:
մի շարք ապրանքների գների նվազմանը զուգահեռ կաթի ու պանրի գները աճել են, համապատասխանաբար՝ 4.7% եւ 4.4%-ով, տավարի միսը նույնպես մեկ տարում թանկացել է, գնաճը կազմել է 9.0%։
Մեկ տարում ձվի գինն աճել է 21.7%-ով, իսկ հունիսին մայիսի համեմատ՝ 0.3%-ով: Շաքարն ու շաքարավազի ապրանքախմբում մեկ հունիսը նախորդ տարվա հունիսի համեմատ արձանագրվել է 2.8% գնանկում, հունիսը մայիսի համեմատ արձանագրվել է՝1.3% գնաճ:
Բանջարեղենի գները հունիսը հունիսի համեմատ նվազել են 28.1%-ով, հունիսը մայիսի համեմատ՝ 23.1%-ով։
Այս տարվա հունիսին մայիսի համեմատ բենզինի գներն աճել են 10.5%-ով, դիզելային վառելիքի գները նվազել են 8.9%-ով, սակայն այս տարվա հունիսին նախորդ տարվա հունիսի համեմատ բենզինի եւ դիզելային վառելիքի գները նվազել են 22.7% եւ 29.8%-ով։
Հիշեցնենք, որ մայիսին ԿԲ-ն կանխատեսումներն էր հրապարակել, ըստ որի սպասվում է գնաճը կնվազի, իսկ տարեվերջին, ըստ ԿԲ-ի, գնաճը կկայունանա նպատակային 4%-ի շուրջ։
Գնաճի վրա մի շարք գործոններն են ազդել, այդ թվում՝ ինչպես ԿԲ-ն է հայտնել, ներմուծվող պարենային ապրանքների գների կտրուկ նվազումը։
Նելլի ԲԱԲԱՅԱՆ