Արցախահայերը շարունակում են փակ պահել Ակնա -Ստեփանակերտ ճանապարհը՝ թույլ չտալով Ադրբեջանի կեղծ հումանիտար բեռը Արցախ մտնել:
Ակցիայի մասնակիցներից մեկը նկատեց, որ ադրբեջանցիները բավականին կազմակերպված են կազմակերպել իրենց կեղծ հումանիտար ակցիան, բավականին լրագրողներ են հավաքվել ու ռուսների օգնությամբ նկարել են ամեն ինչ:
«Այսօր ձեւավորվել է մթնոլորտ, երբ ժողովրդի մոտ առաջանում են մի շարք հարցականներ: Զարմանալի են նաեւ այն արցախցիները, որոնք իբրեւ թե սոված լինելով, իշխանություններից պահանջում են բացել այս ճանապարհը: Այս ճանապարհի բացումը նշանակում է մահ Արցախին:
Անթույլատրելի է այս ճանապարհի բացումը, ադրբեջանցին թեկուզ եւ հումանիտարի անվան տակ մտավ Արցախ, չես կարողանալու դեմն առնել, հետեւաբար, այն բոլոր մարդիկ, ղեկավարները, որոնք մտածում են, որ այս ճանապարհի բացումով մենք փրկվելու ենք սովից, սխալվում են, ուղղակի չեն կարողանում կազմակերպել մեր հացի խնդիրը:
Կարդացեք նաև
Մենք իրավունք չունենք այս ճանապարհը բացել, կբացենք այն ժամանակ, երբ աշխարհը կճանաչի մեր անկախությունը»,- նկատեց ակցիայի մասնակիցներից մեկը:
Նշենք, որ Արցախ լրատվականի հետ զրույցում Ասկերանի նախկին քաղաքապետ Ալյոշա Գաբրիելյանը հայտնել էր, ադրբեջանցիներն անցել են ռուս խաղաղապահների անցակետը եւ փորձում են վրաններ տեղադրել:
Մանրամասները՝ տեսանյութում
Արփինե ՍԻՄՈՆՅԱՆ
