«Ռուսական ռազմակայանի՝ Հայաստանում գտնվելու հիմքերը շատ պարզ են, այդ հիմքերը շարունակում են գոյություն ունենալ եւ մենք դրա հետ կապված ոչ մի հարց չենք բարձրացնում»,- Հանրային հեռուստաընկերությանը տված հարցազրույցում ասաց վարչապետ Նիկոլ Փաշինյանը:
Նիկոլ Փաշինյանն անդրադարձավ նաեւ Հայաստանի նկատմամբ ՌԴ-ի կողմից հնարավոր տնտեսական պատժամիջոցներին. «Որտեղի՞ց այն կանխավարկածը, որ Ռուսաստանը փակել է, կամ փակում է, կամ փակելու է իր շուկան մեր առջեւ. մենք ԵԱՏՄ անդամ ենք եւ մեր տնտեսական հարաբերությունները կարգավորվում են»:
Անդրադառնալով փաստին, որ օրեր շարունակ հայկական կոնյակով բեռնված բեռնատարներին թույլ չէին տալիս մուտք գործել ՌԴ տարածք, Նիկոլ Փաշինյանն ասաց. «Վերջին 20 տարում քանի՞ անգամ է նման իրավիճակ եղել: Այդ իրավիճակը մենք 100-ավոր անգամներ ունեցել ենք: Ամեն անգամ մենք եզրակացություններ անելու համար պետք է նրբություններին ծանոթ լինենք: Ես փորձել եմ այդ հարցը հասկանալ, եւ ստացել ենք հավաստիացումներ, որ այդտեղ ոչ մի քաղաքական ենթատեքստ չկա: Այդ հարցը կարգավորվել է: Իմ ուղերձը մեր տնտեսվարողներին եղել է հետեւյալը. որակի ստանդարտներին պետք է շատ լրջորեն հետեւել: Երբ մեր ապրանքները լինեն որակյալ եւ մրցունակ, բոլոր շուկաներն էլ բաց են»:
Կարդացեք նաև
Պատրաստեց Նելլի ԳՐԻԳՈՐՅԱՆԸ
