«Աշունն ակտիվացման շրջան է, ունենք ոչ միայն սուր շնչառական վարակներ, ունենք նաեւ ԿՈՎԻԴ, կարմրուկ։ Մենք պետք է աչալուրջ լինենք, եւ ես խորհուրդ եմ տալիս, որ ռիսկի խմբի անձինք անպայման այս սեզոնային գրիպի դեմ պատվաստումներն ընդունեն»,- Ազգային ժողովում լրագրողների հետ զրույցում ասաց առողջապահության նախարար Անահիտ Ավանեսյանը։
Նրա խոսքով՝ երկուշաբթի օրվանից իրազեկման արշավի շրջանակներում սկսելու են գրիպի դեմ պատվաստման գործընթացը։ «Գրիպի դեմ պատվաստանյութն ամեն տարի մշակվում եւ համապատասխանեցվում է տվյալ տարում շրջանառվող ամենավտանգավոր շտամերին եւ տարիներ ի վեր ապացուցում է իր արդյունավետությունը։ Մենք ամեն տարի պատվաստում իրականացնում ենք եւ այս տարի էլ մեր քաղաքացիներին հորդորում ենք օր առաջ պատվաստվել, քանի որ նաեւ գրիպը հանդիսանում է շատ լուրջ ռիսկի գործոն առողջական խնդիրներ ունենալու պարագայում»,- ասաց նա։
Ռոզա ՀՈՎՀԱՆՆԻՍՅԱՆ
