«Պարոն Պողոսյան, կարո՞ղ եք մտաբերել՝ Հարկային օրենսգրքում փոփոխություններ կատարելու անհրաժեշտությունը երբ առաջ եկավ։ Ե՞րբ կառավարությունն անհրաժեշտություն տեսավ, որ Հարկային օրենսգրքում փոփոխություններ պետք է ներկայացվեն»,- ԱԺ արտահերթ նստաշրջանում ֆինանսների նախարարի տեղակալ Արման Պողոսյանին հարցրեց «Հայաստան» խմբակցության պատգամավոր Գեղամ Մանուկյանը։
Extraordinary session of RA National Assembly took place at the RA NA
Արման Պողոսյանն ասաց, որ նախաձեռնությունը եկել է գյուղատնտեսության ոլորտի տնտեսվարող սուբյեկտների եւ բիզնես միավորումների ասոցիացիաների կողմից։ «Մենք մոտ երկու ամիս առաջ սկսել ենք քննարկումները եւ գնահատել ենք, որ ներկայացված առաջարկը հիմնավոր է։ Ըստ այդմ՝ նաեւ նախապատրաստվել է այս օրենքի նախագիծը, որը ներկայացված է ձեր դատին»,- նշեց նա։
Գեղամ Մանուկյանն ասաց․ «Արթուր Խաչատրյանի մազերը երեւի սպիտակեցին այստեղ՝ Ազգային ժողովում կառավարության ներկայացուցիչներին ամեն անգամ հիշեցնելով, որ հապշտապ, վերջին պահին, ափալ-թափալ բերել առաջինից երկրորդ ընթերցում միանգամից անցկացնելը դարձել է կառավարության սովորական աշխատաոճը։ Կառավարության պարտականությունն է նախագծերը բերել կոնկրետ ժամակացույցերով, որ ամբողջական քննարկում լինի։ Կամ էլ միանգամից օրենսդրական փոփոխություն բերեք, ասեք՝ ախպեր, վերջ, 15-օրյա ռեժիմ չկա, միանգամից երեքժամյա ռեժիմով օրենքները քննարկում եք, դակում եք եւ վերջացնում եք։ Այսինքն՝ կառավարության համար դարձել է սովորական բան՝ հապշտապ, արտահերթերով, առաջինից երկրորդ ընթերցում, երեքժամյա ռեժիմով օրենքներն անցկացնելը»։
Արման Պողոսյանն արձագանքեց․ «Մենք աշխատանքային ռեժիմում ենք, հապշտապ ոչինչ չկա, պատրաստ ենք ամենայն մանրամասնությամբ քննարկել այս նախագիծը, որն, ի դեպ, ամբողջովին բարելավող լուծումներ է ենթադրում գյուղատնտեսության ոլորտում պետական աջակցության ծրագրերի համատեքստում։ Եվ կարծում եմ՝ դուք էլ առնվազն պետք է դեմ չլինեք, եթե առաջարկվում է բարելավող քաղաքականություն, այն էլ հետադարձ կիրառության հնարավորությամբ»։
Կարդացեք նաև
Ռոզա ՀՈՎՀԱՆՆԻՍՅԱՆ
