«ՀՀ-ն ընդդեմ որեւէ երկրի, առավել եւս՝ ընդդեմ ՌԴ-ի, ոչինչ չի անում, որովհետեւ մինչեւ այս պահը համարվում ենք Ռուսաստանի դաշնակից եւ միեւնույն տնտեսական բլոկում գտնվող երկիր: Այն գնահատականը, որ մեր ինչ-որ քայլ ուղղված է ՌԴ-ի դեմ, դրանք սադրանքներ են ու իրականության հետ կապ չունեն»,- այսօր ԱԺ-ում լրագրողների հետ զրույցում ասաց ՔՊ խմբակցության պատգամավոր Վաղարշակ Հակոբյանը:
Նա ասաց, որ իրենք միայն աշխատում են ի նպաստ ՀՀ-ի, ոչ թե որեւէ երկրի դեմ. «ՀՀ-ն ունի միջազգային բազմաթիվ գործընկերների հետ համագործակցություն, նաեւ ՌԴ-ի, ԵԱՏՄ անդամ երկրների, Մերձավոր Արեւելքի, Իրանի, Հնդկաստանի հետ եւ այլն»:
Պատգամավորը հիշեցրեց, որ ՌԴ-ն այստեղ ունի ռազմաբազա, ունենք երկարամյա համագործակցության պատմություն. «Բազմաթիվ խրթին հարցեր կան մեր հարաբերություններում, գնահատականներ կան, որոնք մենք կարող ենք չկիսել, չհամաձայնել, բայց իրականության մեջ մենք ունենք շատ լավ համագործակցություն»:
Որպես ապացույց՝ նա նշեց արտահանման ավելացման ցուցանիշները:
Կարդացեք նաև
Հռիփսիմե ՋԵԲԵՋՅԱՆ
