Aravot.am-ի տեղեկություններով՝ Ջոն Կիրակոսյանի անվան թիվ 20 դպրոցում ուսուցչի կողմից աշակերտի նկատմամբ անառակաբարո գործողությունների դեպքով կա տեսագրություն, որը, նախնական տվյալներով, նկարել է անձամբ տուժող աշակերտը:
Հիշեցնենք, որ այսօր ԱԱԾ աշխատակիցները դպրոց են ներխուժել ու հենց ֆիզիկայի դասին գետնին տապալել ուսուցչին ու ձերբակալել, որին մեղսագրվում է անչափահաս աշակերտի նկատմամբ անառակաբարո գործողություններ թույլ տալը:
Մեր տեղեկություններով՝ դպրոցի տնօրինությունն ու մանկավարժական կազմից որոշ ներկայացուցիչներ դեռ ԱԱԾ-ում են՝ հարցաքննության:
Մեզ հասած տեղեկությունների համաձայն, դեպքի բացահայտումից ու հրապարակայանացումից հետո մանկավարժական կազմը սկսել է հարցուփորձ անել աշակերտներին ֆիզիկայի փորձառու ու այսօր ձերբակալված ուսուցչի պահվածքից, եղել են երեխաներ, որոնք հայտնել են, թե ուսուցիչը, որ իրենց պապիկի տարիքին է, սիրել է պապիկի պես աշակերտներին կպնել:
Կարդացեք նաև
Աշակերտը, որի նկատմամբ ուսուցիչը ենթադրաբար թույլ է տվել անառակաբարո գործողություններ, առողջ աշակերտ է:
Արփինե ՍԻՄՈՆՅԱՆ
