Բահրեյնում ընթացող ծանրամարտի աշխարհի առաջնությունում Հայաստանի ներկայացուցիչներին առայժմ չի հաջողվում սպասված ուրախությունը պարգեւել մարզասերներին:
Այսօր 96 կգ քաշայինների պայքարում նախապես հայտավորված էին մեր հանրապետության երկու ծանրորդներ՝ Դավիթ Հովհաննիսյանը եւ Հակոբ Մկրտչյանը, սակայն մեկնարկից անմիջապես առաջ պարզվեց, որ Հակոբ Մկրտչյանի անունը չկա մասնակիցների ցուցակում: Ենթադրաբար, պատճառը վնասվածքը կարող է լինել:
Սակայն ասպարեզում մնացած Դավիթ Հովհաննիսյանն էլ հուսախաբ արեց: Պոկում վարժությունում մեր մարզիկն ունեցավ ընդամենը մեկ հաջող մոտեցում՝ պոկելով 163 կգ, ինչը 12-րդ ցուցանիշն էր:
Հրում վարժությունում մեր ծանրորդը երկու անգամ ձախողեց 202 կգ նախնական պատվերը, ապա հրաժարվեց երրորդ մոտեցումից: Պատճառը, թերեւս մեջքի շրջանում խնդիրն էր:
Կարդացեք նաև
Աշոտ ՀԱԿՈԲՅԱՆ
