«Որեւէ հարցի չեմ պատասխանում, հարուցված է քրեական գործ»,-Երեւանի քաղաքապետարանի գործակարգավարական խորհրդակցությունից հետո՝ ի պատասխան լրագրողների հարցերի՝ ասաց՝Նոր Նորք համայնքի ղեկավար Տիգրան Տեր-Մարգարյանը, որն անցյալ շաբաթ տեսախցիկների առաջ ծեծի էր ենթարկել բլոգեր Արթուր Չախոյանին, իսկ այս խորհրդակցության ժամանակ հայցել քաղաքապետի եւ հանրության ներողամտությունը:
Մի հրեք՝ ասաց նա լրագրողներին: Հարցին՝ զղջո՞ւմ է իր արածների համար, չպատասխանեց ու ընդամենը հաջողություն մաղթելով լրագրողներին՝ հեռացավ:
Աջափնյակ վարչական շրջանի ղեկավար Սերոբ Սարգսյանը եւս ասաց, որ որեւէ մեկնաբանություն չունի անելու հայտնի միջադեպի եւ գործընկերոջ պահվածքի մասին: «Բռնությունը միանշանակ դատապարտելի է, դրանից ավել որեւէ մեկնաբանություն չունեմ »,-ասաց նա:
Հարցին՝ ներողություն խնդրելը բավակա՞ն էր, Աջափնյակ վարչական շրջանի ղեկավարն ասաց, որ չի պատասխանի նման հարցերի:
Կարդացեք նաև
Գոհար ՀԱԿՈԲՅԱՆ
