Մհեր Ենոքյանը կշարունակի մնալ ազատության մեջ: Այս մասին լրատվամիջոցներին հայտնել է քրեական դատարանների խոսնակ Լիանա Ռաֆայելյանը։
Վերաքննիչ քրեական դատարանը մերժել է տուժողի իրավահաջորդի ներկայացուցչի և գլխավոր դատախազության վերաքննիչ բողոքները 29 տարի անազատության մեջ պատիժը կրած ցմահ դատապարտյալ Մհեր Ենոքյանի պայմանական վաղաժամկետ ազատման որոշման դեմ:
Հիշեցնենք՝ Մհեր Ենոքյանը ցմահ դատապարտվել էր իր համակուրսեցի Իոսիֆ Աղաջանովին առանձնակի դաժանությամբ սպանելու համար։
