Լրահոս
Օրվա լրահոսը

2026-ի ընտրություններին Սամվել Կարապետյանը կմասնակցի նոր քաղաքական ուժով

Օգոստոս 29,2025 11:55

«Տաշիր» ընկերությունների խմբի սեփականատեր, բարերար Սամվել Կարապետյանի համախոհներն այսօր հայտարարեցին «Մեր ձեւով» կամավորական շարժման հիմնադրման մասին։

«Կամավորական շարժումը այն հարմար ձեւաչափն է, որը թույլ կտա առանց հասարակությանը բաժանելու, համախմբել մարդկանց՝ լավ, մեծ ու բարի գործեր անելու համար։ «Մեր ձեւով» ժողովրդական շարժումն ապաքաղաքական կամավորական միավորում է՝ այն մարդկանց համար, ովքեր պատրաստ են անձնուրաց ծառայել հանուն օգտակար նպատակների։ Շարժման մասնակիցները կարող են լինել տարբեր մասնագիտությունների եւ հայացքների տեր մարդիկ, ովքեր կցանկանան իրենց ազատ ժամանակը նվիրել այս գործին»,- այսօր կայացած ասուլիսում հայտարարեց «Տաշիր» ընկերությունների խմբի փոխնախագահ, Սամվել Կարապետյանի եղբոր որդի Նարեկ Կարապետյանը։

Նարեկ Կարապետյանը հստակեցրեց, որ այս կամավորական շարժման հիմնադրումը չի ենթադրում, որ իրենք նոր քաղաքական ուժ չեն ստեղծելու. «Սա մեր կատարելիք աշխատանքի միայն առաջին փուլն է։ Հայաստանում առաջիկայում սպասվում են ընտրական գործընթացներ եւ դրանց մասնակցության առավել հարմար ձեւը կուսակցության միջոցով ներգրավվելն է՝ պետական ծրագրերի իրականացման համար համապատասխան ծրագրեր առաջարկելով։ Վստահ ենք, որ 2026-ի ընտրական գործընթացներում կկարողանանք արժանի արդյունքի հասնել»։

Կամավորական շարժումը հինգ ուղղություններով գործողություններ է իրականացնելու՝ աշխատանքային խմբերի միջոցով։

Մանրամասները՝ տեսանյութում

Ամբողջական տեսանյութը՝ այստեղ՝

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2025
Երկ Երե Չոր Հնգ Ուրբ Շաբ Կիր
« Հուլ    
 123
45678910
11121314151617
18192021222324
25262728293031