«Եթե գալիք տարի ընտրություններ լինեն, կամ արտահերթ ընտրություններ լինեն, եւ սրանց վռնդենք զավթած աթոռներից, իշխանական սենյակներից, երեւի քառորդ դար շտկելու ենք այն ամենը, ինչ այս ազգակործանները բերեցին մեր գլխին »,- «Հայելի» ակումբում նշեց բանաստեղծ Խաչիկ Մանուկյանը:
«Սրանց մոռանալ չի լինի` այս ազգակործաններին, այսքան աղետը բերել են մեր գլխին, ու հազարամյակների ընթացքում հայ ժողովուրդն այդքան սուտ չէր լսել, որքան այս 7 տարիների ընթացքում կարողացան հրամցնել չարքապատկանները:
Վերջերս մի առիթով ասել եմ, որ այս իշխանությունները շատ ընտիր փաթեթավորողներ են, կարողանում են մահը որպես կյանք փաթեթավորել, մեր ցավը, վիշտը, արցունքը փաթեթավորել որպես խինդ ու ծիծաղ, մատուցել, եւ մարդիկ դա այդպես էլ ընդունում են, իսկ չարքապատկանները գոհ են, որ իրենց հաջողվում է մոլորեցնել այս միամիտ ազգին»,-ասում է բանաստեղծը:
Ապա հավելում է. «Համացանցում տեսա, որ նորից հարձակվել են Վեհափառի վրա, ի դեմս Վեհափառի՝ Հայ Առաքելական եկեղեցու վրա: Սրանք հաջողել են բոլոր հիմնասյուները փշրել, մնացել են հավատն ու եկեղեցին, եւ եթե այստեղ էլ հաջողություն ունեցան, իրենց տերերը վստահաբար կասեն, որ այս ժողովուրդն այլեւս պատրաստ է մորթվելու, թմբիրը կատարելապես տրված է»:
Կարդացեք նաև
Գոհար ՀԱԿՈԲՅԱՆ
