«Շնորհակալություն կյանք նվիրելու համար». «Յոլյանի» անվան արյունաբանության և ուռուցքաբանության կենտրոնի այս կարգախոսով ոգեշնչված՝ Ակբա բանկի աշխատակիցները միացել են կամավոր արյունատվության ծրագրին։
Նախաձեռնությունը նպատակ ունի իրազեկել բոլորին կամավոր արյունատվությանը մասնակցելու կարևորության մասին։
Հայաստանում յուրաքանչյուր օր փոխներարկվում է միջինում 60 պարկ արյուն, ինչը թույլ է տալիս փրկել տասնյակ մարդկանց կյանքեր։ Արյան պահանջը տարեցտարի ավելանում է, զուգահեռ ավելանում է նաև արյան դոնորների պահանջը. համալրված արյան բանկ ունենալու համար չափազանց կարևոր է Հայաստանում դոնորական մշակույթի զարգացումը։
«Առողջապահական համակարգի համար շատ կարևոր է մշտապես ունենալ համալրված արյան պաշարներ, որպեսզի ոչ մի հիվանդ չտուժի արյան պաշար չլինելու պատճառով: Այդ նպատակով կարևոր է, որ մեր հասարակության մեջ զարգանա այս մշակույթը։ Կամավոր անվարձահատույց դոնորությանը միացել են Ակբա բանկի աշխատակիցները։ Կցանկանայի, որ սա օրինակ ծառայեր պետական, մասնավոր, հասարակական կազմակերպությունների համար, որպեսզի բոլորը իրենց ակտիվ մասնակցությունն ունենան արյունատվության գործընթացին և մշտապես ունենանք համապատասխան քանակի արյան բաղադրամասեր»,- նշել է ԱՆ «Յոլյան» արյունաբանության և ուռուցքաբանության կենտրոնի Արյան ծառայության գծով փոխտնօրեն Անդրանիկ Շամիլյանը։
Կարդացեք նաև
Մանրամասն՝ տեսանյութում։
Բանկը վերահսկվում է ՀՀ ԿԲ կողմից։
