ԱԺ նստաշրջանում կառավարության 2021-2026 թվականների ծրագրի ներկայացման ժամանակ Նիկոլ Փաշինյանը պատասխանում է հարցերի։ Ընդդիմադիր պատգամավորները չեն մասնակցում նիստին։
Նիկոլ Փաշինյանը նկատեց, որ ընդդիմադիր պատգամավորները դահլիճ ելումուտ են անում։ «Էս ի՞նչ շարժ ա, ընդդիմությունը սենց գալիս-գնում ա»,- հարցրեց նա։ «Պարոն վարչապետ, գրանցվում են, որպեսզի աշխատավարձ ստանան, բայց գնում են, որպեսզի չմասնակցեն նիստին։ Մենք 5 տարի ա՝ էդ շարժն ենք տեսնում»,- ասաց ԱԺ փոխնախագահ Ռուբեն Ռուբինյանը։
«Ոնց որ «Պտտվիր կյանքի կարուսել» երգը լինի, ստեղից մտնում, դուրս են գալիս»,- արձագանքեց Փաշինյանը։
Ռուբինյանն ասաց, որ եթե պատգամավորները չեն գրանցվում, այդ նիստի համար աշխատավարձից զրկվում են․ «Եվ մեր հարգարժան ընդդիմադիրները գրանցվում են, որպեսզի չզրկվեն աշխատավարձից»։
Կարդացեք նաև
Նիկոլ Փաշինյանը հարցրեց՝ պարգեւավճարից էլ են զրկվո՞ւմ։ Ռուբինյանն ասաց՝ այո։
Մանրամասները՝ տեսանյութում
«Ժողովուրդ ջան, եկեք գրանցվեք գնացեք, վարկ-մարկ կունենաք փակելու։ Կարող ա բենզինը թանկացած լինի, էլ չեմ ասում՝ գնաճի մասին եք խոսում»,- նշեց Փաշինյանը։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
