«Իշխանությունների տարածած թեզն է, որ հանրությունը հոգնել է կամ անտարբեր է։ Դեռևս ապրում են մարդիկ, ում պապերը Եղեռնի ժամանակ ինչ-որ կերպ մազապուրծ են եղել։ Համոզված եմ՝ այսօրվա երթը բազմամարդ է լինելու։ Չնայած այսօրվա իշխանությունը բազմաթիվ անգամներ ջանաց՝ Եղեռնի հուշարձանը փակվեց, բայց մենք տեսնում ենք, որ տրադիցիաները պահպանվում են»,- Հայոց ցեղասպանության 111-րդ տարելիցին նվիրված «Պայքարը շարունակվում է» կարգախոսով ավանդական քայլերթի մասնակից, հոգեբան Միհրան Մադաթյանը։
Անդրադառնալով Հայոց ցեղասպանությունը կասկածի տակ դնող Նիկոլ Փաշինյանի և իշխանության քաղաքականությանը՝ Միհրան Մադաթյանն ասաց․ «ԱԺ-ում մեկն էլ կար, որն ուզում էր անուն-ազգանուններով ճշտած լիներ։ Այս իշխանությունները, իմ կարծիքով, հայկական ինքնության բոլոր էլեմենտները ուզում են որևէ կերպ ոչնչացնել։ Այդ ինքնության էլեմենտներից է Ցեղասպանության հիշատակը, որը մենք պահում ենք։ Հենց սրա՝ վերանորոգման աշխատանքների, հետ էր կապված ԿԳՄՍ նախարարության մտավախությունը։ Եթե իշխանությունը նման հայադավ ծրագիր չցուցադրեր, այդ վերանորոգումն էլ շատ հանգիստ կնայվեր։
Դեռ խորհրդային տարիներին, երբ այս ամենը քիչ թե շատ արգելված էր, մենք այս հիշատակը պահել ենք, գնացել ենք, ծաղիկ ենք դրել, գլուխ ենք խոնարհել։ Եվ կարծում եմ՝ դեռ դարերով այս հիշատակը կպահենք»։
Կարդացեք նաև
Աշոտ ՀԱԿՈԲՅԱՆ
