Վրաստանի Բաթումի քաղաքում ընթացող ծանրամարտի Եվրոպայի առաջնության կանանց 77 կգ քաշային կարգում Աննա Ամրոյանը հրում վարժությունում գլխավերևում պահել է նախ 125 կգ, ապա 133 կգ և 136 կգ կշռող ծանրաձողերը:
Այս արդյունքով Ամրոյանը ոսկե մեդալ է նվաճել և սահմանել է ԵԱ-ի հրում վարժության նոր ռեկորդ:
Պոկում վարժությունում, սակայն, հայ մարզուհին հաջող մոտեցում չի ունեցել և չի կարողացել արդյունք ապահովել երկամարտում:
Այս քաշային կարգում Հայաստանի մյուս ներկայացուցիչ Ալինա Սուքիասյանը պոկում վարժությունում բարձրացրել է 96 ու 100 կգ կշռող ծանրաձողերը: Հրում վարժությունում նա գլխավերևում պահել է 120 կգ կշռող ծանրաձողը:Երկամարտի 220 կգ արդյունքով նա 17-րդն էր:
Կարդացեք նաև
Ծանրամարտի Եվրոպայի առաջնության տղամարդկանց 88 կգ քաշային կարգում այսօր հանդես է եկել Հայաստանի ներկայացուցիչ Ռաֆիկ Հարությունյանը: Նա զբաղեցրել է 7-րդ հորիզոնականը` երկամարտի 355 կգ արդյունքով։ Հայ ծանրորդը պոկումում գրանցել է 160 կգ արդյունք և 8-րդն էր։ Հրում վարժությունում Հարությունյանը 195 կգ արդյունքով 7-րդն էր։
ՀՀ կրթության, գիտության, մշակույթի և սպորտի նախարարություն
