«Այդ նկարազարդ բրոշուրը բոլորիս տալու են որպես նվեր եւ բոլորիս ճանապարհելու են այստեղից»․ ԵՄ գրասենյակի մոտ լրագրողների հետ զրույցում ասաց ՀՀԿ խորհրդի անդամ, «Պատիվ ունեմ» խմբակցության պատգամավոր Աննա Մկրտչյանը։
Հարցը վերաբերվում էր կենսաչափական նոր անձնագրերին։
Կարդացեք նաև
Այսօր եվրոպական քաղաքական ընտանիքների անդամ 6 հայկական կուսակցություններ համատեղ նամակ փոխանցեցին ՀՀ-ում ԵՄ գրասենյակ։ Նամակը դիմում-կոչ է ԵՄ ղեկավարությանը, Երեւանում կայանալիք Եվրոպական քաղաքական համայնքի գագաթնաժողովի մասնակիցներին, եվրոպական քաղաքական ընտանիքների ղեկավարներին, որտեղ բարձրաձայնվում են Հայաստանում տիրող հակաժողովրդավարական իրավիճակի, Ադրբեջանում պահվող մեր հայրենակիցների, արցախահայության խնդիրների, Արցախում ոչնչացվող հայկական հետքի մասին։ Նամակի հեղինակներն են Եվրոպական ժողովրդական կուսակցության անդամներ ՀՀԿ-ն եւ «Ժառանգություն» կուսակցությունը, Սոցիալիստների եւ Դեմոկրատների անդամ ՀՅԴ-ն, Եվրոպական պահպանողականների եւ բարեփոխիչների անդամ «Բարգավաճ Հայաստան» կուսակցությունը, Եվրոպայի լիբերալների եւ դեմոկրատների ալյանսի անդամ ՀԱԿ-ը, Եվրոպական ազատ ալյանսի անդամ Արցախի ժողովրդավարական կուսակցությունը։
Ըստ Աննա Մկրտչյանի, այնպես չէ, որ այս նամակի բովանդակությամբ պետք է եվրոպական քաղաքական էլիտան տեղեկանա Հայաստանում տեղի ունեցողի մասին․ ամենն էլ շատ լավ գիտեն, անգամ իրենց զեկույցներում էլ են գրում․ «Այլ բան է, որ լոյալություն են ցուցաբերում Նիկոլի նկատմամբ։ Եվրոպան, Նիկոլին գերադասո՞ւմ է իրենց արժեքներից, պատրա՞ստ են թքել մարդու իրավունքների վրա։ Նկատո՞ւմ են, որ Նիկոլը աշակերտների է կալանավորում, կին քաղբանտարկյալ կա»։
Աննա Մկրտչյանը հայտարարեց, որ ԵՄ ներկայիս դեսպանին ինքը հրավիրել է ներկայիս քաղաքական դատական գործերից մեկին ու նա լռելյայն մերժել է, մինչդեռ նախկին դեսպանը շատ ակտիվ էր, դատարաններում տարբեր գործերի քննության էր մասնակցում, որոշ վճիռներով էլ միմյանց շնորհավորանքներ էին հղում։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
― Խոր Վիրապը ո՞նց պատկերենք։
Նիկոլ Փաշինյան․
― Գծապատկերով։ Արարատի կողմ չնայեք։