Հայաստանի ժուռնալիստների միության կազմակերպած «Հայաստանի ձայները/Voices of Armenia» կոնֆերանսի ժամանակ «Քրիստոնեական համերաշխություն միջազգային» (CSI) իրավապաշտպան կազմակերպության նախագահ, իրավապաշտպան Ջոն Այբներն անդրադարձավ Հայ Առաքելական եկեղեցու դեմ արշավին։ Նա ասաց, որ Նիկոլ Փաշինյանը փորձում է սասանել Ամենայն հայոց կաթողիկոսի դիրքերը։
«Սա նման է 1920-ական թվականներին բոլշեւիկների կողմից կիրառված մարտավարությանը, երբ փորձում էին եկեղեցու լեգիտիմ ղեկավարներին սասանել։ Պետք է հարց տալ՝ Հայաստանյայց Առաքելական եկեղեցին ինչո՞ւ է այսպիսի հալածանքի ենթարկվում այսօր։ Պատասխանը կարող է տրվել միայն լիարժեք որոնելով արխիվները, որոնք տասնամյակներ շարունակ հասանելի չեն դառնում։ Բայց մի բան միանշանակ է՝ պատասխան հնարավոր չէ գտնել օրենքի մեջ, այլ քաղաքականության մեջ պետք է այն փնտրել եւ պետք է փնտրել ՀՀ սահմաններից դուրս եւ ոչ ներսում։ Փաստն այն է, որ Հայաստանը շարունակում է մնալ թուրք-ադրբեջանական ռազմական ագրեսիայի վտանգի ներքո։ Դարեր շարունակ հայ քրիստոնյա ազգը զրկվել է քաղաքական սուբյեկտայնությունից եւ դա շարունակվում է նաեւ այսօր։ Դա համատեղ իսլամիստական, պանթյուրքական գործընթաց է, որն ուղղված էր հայերի էթնիկ զտմանը Անատոլիայից, Նախիջեւանից, Բաքվից, Սումբգայիթից եւ վերջապես՝ երեք տարի առաջ նաեւ Լեռնային Ղարաբաղից»,- Ջոն Այբները։
Մանրամասները՝ տեսանյութում
Կարդացեք նաև
Նա նաեւ անդրադարձավ «Ուժեղ Հայաստան» կուսակցության առաջնորդ Սամվել Կարապետյանի նկատմամբ իրականացվող հետապնդումներին եւ ասաց․ «Մեծ բարեգործ Սամվել Կարապետյանն էլ է ձերբակալվել ու բանտարկվել՝ միայն նրա համար, որ հրապարակավ ասել է, որ դեմ կլինի վարչապետի կողմից եկեղեցու նկատմամբ հալածանքի գործողություներին»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
