«Ձեր խաղաղության հռչակագրում սխալ է գրված․ ԱՄՆ նախագահի հռչակագիրը չէ, ինքը վկա է՝ որպես, թարգմանության մեջ սխալ կա»,- Երևանի կենտրոնում քաղաքացին այս խնդրով մոտեցավ քարոզարշավ իրականացնող ՀՀ վարչապետ Նիկոլ Փաշինյանին։
Նա մանրամասնեց, թե ինչ նկատի ունի և կոնկրետ օրինակներով նշեց, որ անգլերեն տեքստի հետ հայերեն թարգմանությունն ունի անհամապատասխանություններ։
Նիկոլ Փաշինյանն ինչպես քարոզարշավի բոլոր օրերին, այսօր էլ ՀՀ քարտեզն էր բաժանում քաղաքացիներին՝ առանց Արցախի հատվածի։ Մի աղջկա էլ մեկնեց քարտեզը, նա վերցրեց ու ասաց․ «Բայց, որ Ղարաբաղն էլ լիներ, լավ կլիներ»։
Կարդացեք նաև
Մի տատիկ մոտեցավ Փաշինյանին ու ասաց․ «Թագավոր ջան, թագավոր էլ կմնաս»։
Մի երիտասարդ կին էլ Փաշինյանին հորդորեց․ «Ձեզ տեր կանգնեք»։ Նա էլ արձագանքեց՝ խաղաղությանը տեր կանգնեք։
Այս պահին Նիկոլ Փաշինյանը տրոլեյբուսով Երևանի կենտրոնից ուղևորվում է դեպի Շենգավիթ վարչական շրջան։ Անցնելով կինո Հայրենիքի մոտով՝ Նիկոլ Փաշինյանն ասաց․ «Էս էլ մեր հին թաղերը»։ Հասնելով Շենգավիթ նրան մոտեցավ մի տատիկ ու ասաց․ «Փաշինյան ջան, չվախենաս, ես բնիկ յոնջալաղցի եմ, չվախենաս, ես ստեղ եմ»։ Նիկոլ Փաշինյանն էլ արձագանքեց․ «Արարատ Միրզոյանն էլ է ձեր թաղից, գիտե՞ք»։
ՔՊ-ի քարոզարշավի 5-րդ օրն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
Լուսանկարը՝ ՔՊ ֆեյսբուքյան էջից
