Պաշտպանության նախկին նախարար, «Հայաստան» խմբակցության ղեկավար Սեյրան Օհանյանի կինը՝ Ռուզաննա Խաչատրյանն այսօր կրկին պնդեց, որ առանձնատուն չունեն:
Արձագանքելով լրագրողի դիտարկմանը, թե դատախազությունից հայտնել են, որ չեն նահանջելու Օհանյանին վերագրվող առանձնատների մասով՝ Սեւանա լճի ափին գտնվող ու Վահագնի թաղամասինը, Ռուզաննա Խաչատրյանն ասաց. «Մենք առանձնատուն չունենք, թող խլեն»:
Խաչատրյանը՝ անդրադառնալով իշխանական թեզերին՝ Արցախը մերը չէ, ասաց արհամարհում է այդպիսի հայտարարությունները. «Իմ անձնական կյանքի ընտրությունը արցախյան հերոսամարտի մեծ հրամանատարի հետ կապելն է եղել: Իր հետ անցել եմ այդ ողջ ճանապարհը: Այն տառապանքն ու ցավը, որ այսօր մեր հայ ժողովուրդը կրում է, իմ հոգու մեջ էլ, կա, բայց լավատես եմ, կանցնի, Փաշինյանն էլ կանցնի»:
Կարդացեք նաև
Նրանից լրագրողները նաեւ հետաքրքրվեցին, եթե հանդիպի Նիկոլ Փաշինյանին, նրանից քարոզչական բուկլետը կվերցնի՞, ի պատասխան ասաց՝ իհարկե, ոչ:
Արփինե ՍԻՄՈՆՅԱՆ
Լուսանկարը՝ Ռուզաննա Խաչատրյանի ֆեյսբուքյան էջից
