Իրավապահ մարմինների կողմից տարածվող հաղորդագրությունների մեջ քաղաքական ուժի անուն նշելը, նրա սիմվոլները տեսանյութում ներկայացնելը շատ լուրջ խնդիր է․ «Կոռուպցիան՝ նախընտրական փուլում» թեմայով աշխատաժողովի ժամանակ կարծիք հայտնեց փաստաբան Հովհաննես Խուդոյանը՝ հավելելով, որ հաճախ կարճ, չոր տեղեկատվությանը փոխարինում են մոնտաժի հնարքներով և ռեժիսորական լուծումներով տեսանյութերը, որոնք թիրախավորում են ընտրություններին մասնակցող ուժերին։ Դրանք, ըստ նրա, պարզ ցույց են տալիս, որ թիրախը ոչ թե հանրությանն իրազեկելն է, այլ քաղաքական հակաքարոզչությունը։
Իբրև օրինակ Հովհաննես Խուդոյանը բերեց վերջերս Հակակոռուպցիոն կոմիտեի հրապարակած ձայնագրությունը «Ուժեղ Հայաստանին» վերաբերող, որը մեծ աղմուկ բարձրացրեց․ ենթադրաբար շտաբի աշխատողը՝ խոսելով նույն ոլորտում գործունեություն իրականացնող մարդկանց մասին, ասում է՝ «շուն-շանգյալ»։ Այս արտահայտությունը, ըստ բանախոսի, իրավական ոչ մի նշանակություն չունի, և Հակակոռուպցիոն կոմիտեն կարիք չուներ այն հրապարակելու։
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
